Showing posts with label todays news. Show all posts
Showing posts with label todays news. Show all posts

Thursday, 30 June 2016

கண்ணெதிரில் நடக்கும் தவறுகளை தட்டிக் கேட்கும் வகையில் இளைய தலைமுறைக்கு தைரியம் கற்றுத்தர வேண்டும்: சிபிஐ முன்னாள் இயக்குனர் ஆர்.கே.ராகவன் கருத்து

தவறுகளை தட்டிக் கேட்கும் தைரியத்தை இளைய தலை முறைக்கு கற்றுத்தர வேண்டும் என்று சிபிஐ முன்னாள் இயக்குனர் ஆர்.கே.ராகவன் கூறியுள்ளார்.

சுவாதி படுகொலை சம்பவம் குறித்து ‘தி இந்து’விடம் ஆர்.கே.ராகவன் கூறியதாவது:
சென்னை நுங்கம்பாக்கம் ரயில் நிலையத்தில் கொடூரமாக கொலை செய்யப்பட்ட சுவாதியின் மரணம், அனைவரின் மனதிலும் அதிர்ச்சியை ஏற்படுத்தியுள்ளது. பட்டப்பகலில் மக்கள் நடமாட்டம் மிகுந்த ரயில் நிலையத்தில் இத்தகைய படுகொலை நிகழும் என்றால் மற்ற இடத்தையும் நேரத் தையும் என்னவென்று சொல்வது?

எந்த ஒரு அசம்பாவிதம் நடக்கும்போதும் நமக்கு உதவி செய்ய அருகில் இருக்கும் மூன்றாம் நபரின் உதவி தேவைப்படுகிறது. ரயில் நிலையத்தில் இருந்த ஒருவர்கூட இந்த கொடுஞ்செயலை கண்டு நடுங்கவோ, உதவி செய்யவோ முன்வராததற்கு காரணம் என்ன? நாம் சக மனிதனின் துன்பத்தை பார்த்து, உதவும் மனிதாபிமானத்தை இழந்து விட்டோமோ என்ற எண்ணம் தோன்றுகிறது.

ஆரோக்கியமான சமுதாயம் உருவாக்க வேண்டுமெனில் சுய நலம் சற்று தலைதூக்காமல் இருக்க நாம் அனைவரும் முயலவேண்டும். கண்ணெதிரில் நடக்கும் தவறை தட்டிக் கேட்கும் தைரியம் மிகமிக அவசியம். இதை இளைய தலைமுறையினருக்கு உடனே கற்பிக்க வேண்டும். பெண்கள் தங்களை பாதுகாத்துக் கொள்ளும் தற்காப்பு கலைகளை பயில்வதும், பாதுகாப்பு கருவிகளை (சிறிய கத்தி, பெப்பர் ஸ்பிரே) கையாள கற்றுக்கொள்வதும் மிக அவசியம்.

இதுபோன்ற நேரத்தில் உதவி செய்பவர்களை தேவை இல்லாமல் அலையவிடுவதை தடுக்க வேண்டும். அவர்களுக்கு தகுந்த பாதுகாப்பு தர காவல்துறையும் சட்டமும் முன்வர வேண்டும். அப்போதுதான் பொதுமக்கள் தயக்கமின்றி உதவி செய்ய முன்வருவர்.

சமூகத்தில் நடமாடி வரும் தீய சக்திகளை கண்டறிந்து அவற்றை களையும் முக்கிய பொறுப்பு காவல் துறையிடம்தான் உள்ளது. உடனடி நடவடிக்கைகளை எடுக்காவிட்டால் மக்கள் மத்தியில் காவல் துறையின் மதிப்பு மேலும் குறைய வாய்ப்பு உள்ளது.

சுவாதியின் படுகொலைக்கு எனது கடும் கண்டனத்தையும், அவரின் குடும்பத்துக்கு ஆழ்ந்த இரங்கலையும் தெரிவித்துக் கொள்கிறேன்.
குற்றம் செய்யத் தூண்டும் மனநிலையை மாற்றுவதும் குற்றம் புரிந்தால் தண்டனையை கடுமையாக மாற்றுவதும் மிகவும் இன்றியமையாதது. உதவி செய்யும் குணமும் கூட்டாற்றலின் பலத்தை உணர்த்துவதும் இதுபோன்ற கொடுமைகள் மீண்டும் நடக்காமல் தடுக்கும்.

இவ்வாறு அவர் கூறினார்.

Thursday, 9 June 2016

பல்லடம்: போலீஸ் அதிகாரியின் நேர்மை

சாலையில் கிடந்த துணிப்பையில் ரூ.4 லட்சத்து 90 ஆயிரத்து 700-ஐ கண்டெடுத்த, பல்லடம் போக்குவரத்து காவல் உதவி ஆய்வாளர் அதை காவல்நிலையத்தில் ஒப்படைத்தார்.
இது குறித்து போலீஸார் கூறியதாவது: பல்லடம்- மாணிக்காபுரம் பிரிவில், நேற்று முன்தினம் மாலை போக்குவரத்து உதவி ஆய்வாளர் டி.முரளிதரன் போக்கு வரத்து ஒழுங்குபடுத்தும் பணியில் ஈடுபட்டிருந்தார். அப்போது அந்த வழியில் மஞ்சள் பை ஒன்று கிடந்துள்ளது. அதை திறந்து பார்த்தபோது, அதில் கட்டு கட்டாக பணம் இருப்பது தெரியவந்தது.
இதையடுத்து, பல்லடம் காவல் ஆய்வாளர் தங்கராஜிடம் பணத்தை ஒப்படைத்தார். அதில், ரூ.4 லட்சத்து 90 ஆயிரத்து 700 இருப்பது தெரிந்தது. அப்பகுதியில் பணத்துக்கு யாரும் உரிமம் கோராத நிலையில், முரளிதரன் அளித்த புகாரின் பேரில் பல்லடம் போலீஸார் வழக்கு பதிந்து விசாரிக்கின்றனர். இவ்வாறு போலீஸார் தெரிவித்தனர்.
இதுகுறித்து டி. முரளிதரன் ‘தி இந்து’விடம் கூறியதாவது: ”முகூர்த்த நாள் என்பதால், மாணிக்காபுரம் பிரிவில் போக்குவரத்தை ஒழுங்குபடுத்தும் பணியில் ஈடுபட்டிருந்தோம். அப்போது, அவ்வழியில் கிடந்த பையில் பணம் இருந்தை நானும், என்னுடன் இருந்த போக்குவரத்து காவலர் மற்றும் காவல் நண்பர் குழுவைச் சேர்ந்த 2 பேரும் பார்த்தோம். அங்கிருந்த யாரும் பணத்துக்கு உரிமை கோரவில்லை. ஆகவே பல்லடம் காவல்நிலையத்தில் பணம் ஒப்படைக்கப்பட்டு, வழக்குபதிவு செய்யப்பட்டுள்ளது” என்றார்.

Thursday, 2 June 2016

புதுச்சேரியில் சமூக விரோத செயல், ஊழல் புகார்களுக்கு 1031-ல் அழைக்கலாம்: கிரண்பேடி புதிய நடைமுறை

புதுச்சேரியில் சமூக விரோத செயல்கள், ஊழல், முறைகேடுகள்குறித்து பொதுமக்கள் புகார் தெரிவிக்க ஏதுவாக 1031 என்ற இலவச தொலைபேசி எண் ஒருவாரத்தில் அறிமுகம் செய்யப்படும் என்று துணைநிலை ஆளுநர் கிரண்பேடி தெரிவித்துள்ளார்.

புதுச்சேரி துணைநிலை ஆளுநராக பொறுப்பேற்ற கிரண்பேடி, மாநிலத்தில் குற்றங்கள் தடுப்பு, சாலை போக்குவரத்து பாதுகாப்பு தொடர்பான வரைவு திட்டங்களை தயாரிக்கும்படி ஐஜி பிரவீர் ரஞ்சனுக்கு உத்தரவிட்டார். இதன்படி காவல்துறை ஐஜி தலைமையிலான குழு வரைவு திட்டங்களை தயாரித்து வழங்கியுள்ளது. அதன் வெளியீட்டு விழா மற்றும் பொதுமக்கள் கருத்தறியும் கூட்டம் நேற்று இரவு கம்பன் கலையரங்கில் நடைபெற்றது.

தலைமைச் செயலாளர் மனோஜ் பரிதா வரவேற்றார். வரைவுத் திட்டங்கள் தொடர்பாக ஐஜி பிரவீர் ரஞ்சன் நோக்கவுரை ஆற்றினார். வரைவுத் திட்டங்களை வெளியிட்டு துணைநிலை ஆளுநர் கிரண்பேடி பேசியதாவது:
புதுச்சேரி கம்பன் கலையரங்கில் நேற்று நடந்த பொதுமக்கள் கலந்துரையாடல் நிகழ்ச்சியில் துணைநிலை ஆளுநர் கிரண்பேடி ஆங்கிலத்தில் பேச, அதனை டிஐஜி கண்ணன் ஜெகதீசன் தமிழில் மொழிபெயர்க்கிறார்.
‘‘புதுச்சேரி மிகவும் அழகான அமைதியான மாநிலமாகும். இச்சிறிய யூனியன் பிரதேசத்தில் குற்றங்கள் நடைபெறுவதை முன்கூட்டியே தடுக்கவில்லை என்றால் காவல்துறை தங்கள் பணிகளை செய்யவில்லை என்பது தான் பொருளாகும்.

குற்றங்களை தடுப்பதில் காவல்துறை மட்டும் தனித்து செயல்பட இயலாது. பொதுமக்கள் பங்களிப்பும் அவசியமாகும். இரு தரப்பினரும் இணைந்து செயல்பட்டால் குற்றமில்லா நகராக புதுவையை உருவாக்க முடியும்.

புதுச்சேரியில் நடைபெறும் சமூகவிரோத செயல்கள், ஊழல், முறைகேடு, ரௌடிகள் குறித்த விவரங்கள் தொடர்பான புகார்களை பொது மக்கள் தெரிவிக்க காவல்துறை சார்பில் 1031 என்ற இலவச தொலைபேசி எண் இன்னும் ஒரு வாரத்தில் அறிமுகம் செய்யப்படும். அதாவது வரும் புதன்கிழமை முதல் இந்த தொலைபேசி எண் செயல்படும். புதுச்சேரியில் குற்றங்களை ,ஊழல், குறித்த தகவல்களை 1031 என்ற எண்ணில் தெரிவிக்கலாம்.

புகார்கள் தெரிவிப்போரின் விவரங்கள் ரகசியமாக வைக்கப்படும். துணை நிலை ஆளுநர், தலைமை செயலர், காவல்துறை தலைவர் என மூவருக்கும் மட்டும் தெரியும். தகவல் தெரிவிப்போர் விரும்பினால் மட்டுமே அவர்களை பற்றிய விவரங்கள் வெளியிடப்படும். மேலும் தகவல் உண்மையாக இருந்தால் உரிய வெகுமதியும் தரப்படும்.

Sunday, 29 May 2016

சான்றிதழ்களில் ஜாதி, மதத்தை குறிப்பிட பள்ளி நிர்வாகங்கள் நிர்பந்திக்கக் கூடாது என வழக்கு: அரசின் கருத்தை தெரிவிக்க நீதிபதிகள் உத்தரவு

சென்னை உயர் நீதிமன்றம். | கோப்புப் படம்

மாணவர்களின் கல்விச் சான்றிதழ்களில் ஜாதி, மதத்தைக் குறிப்பிட பள்ளி நிர்வாகங்கள் நிர்பந்திக்கக் கூடாது என தொடரப்பட்ட பொதுநல வழக்கில், தமிழக அரசின் கருத்தை கேட்டு தெரிவிக்க அரசு வழக்கறிஞருக்கு நீதிபதிகள் உத்தரவிட்டனர்.

சென்னை வில்லிவாக்கத்தைச் சேர்ந்த ஜி.பாலகிருஷ்ணன் உயர் நீதிமன்றத்தில் தாக்கல் செய்த பொதுநல மனுவில், ‘‘நாட்டின் வளர்ச்சிக்கு ஜாதியும், மதமும் பெரிய தடைக்கற்களாக உள்ளன. நம்முடைய அரசியலமைப்பு ஜாதியற்ற சமுதாயத்தை உருவாக்க வேண்டும் என கூறுகிறது. அந்த வரிசையில் சமூக நீதியை நிலைநாட்டுவதில் முன்னோடி மாநிலமாக தமிழகம் உள்ளது.

கடந்த 1973-ல் தமிழக கல்வித் துறை சார்பில் பிறப்பிக்கப்பட்ட அரசு உத்தரவில், ‘‘மாணவர்கள் தங்களது ஜாதி, மதத்தை பள்ளி கல்விச் சான்றிதழ்கள் மற்றும் விண்ணப்பங்களில் குறிப்பிட விரும்பவில்லை என தெரிவித்தால் அதை பள்ளி நிர்வாகம் அனுமதிக்க வேண்டும்’’ என குறிப்பிட்டுள்ளது. ஆனால் அப்படி ஒரு அரசாணை இருப்பதே பொதுமக்களுக்கு தெரியாது.

இந்த 1973 அரசாணையை வலியுறுத்தும் வகையில் கடந்த 2000-ம் ஆண்டிலும் இதேபோல் ஒரு அரசாணையை மீண்டும் பிறப்பித்தது. ஆனால் பள்ளி நிர்வாகங்கள் மாணவர்களின் மாற்றுச் சான்றிதழ் உள்ளிட்ட கல்வி சான்றிதழ்களில் கண்டிப்பாக ஜாதி, மதத்தைக் குறிப்பிட வேண்டும் என பெற்றோர்களை நிர்பந்தம் செய்கின்றனர்.

இதனால் ஜாதி, மதமே வேண்டாம் என நினைப்பவர்கள் விரக்தியின் விளிம்புக்கு செல்ல வேண்டியுள்ளது. இதுதொடர்பாக கடந்த மே 5-ம் தேதி உயர்கல்வித் துறை செயலாளர் மற்றும் பள்ளிக்கல்வித் துறை செயலர் ஆகியோருக்கு கோரிக்கை மனு அனுப்பினேன். அதற்கு இதுவரை எந்த பதிலும் வரவில்லை. எனவே, இட ஒதுக்கீடு சலுகைகளை பெற விரும்பும் நபர்களை தவிர மற்ற மாணவர்களின் கல்வி சான்றிதழ்களில் ஜாதி, மத விவரங்களை கண்டிப்பாக தெரிவிக்க வேண்டும் என பள்ளி நிர்வாகங்கள் நிர்பந்தம் செய்யக்கூடாது என தமிழக அரசுக்கு உத்தரவிட வேண்டும்’’ என அதில் கோரியிருந்தார்.

இந்த மனு மீதான விசாரணை நேற்று விடுமுறை கால நீதிபதிகள் எம்.சத்தியநாராயணன், எம்.வி.முரளிதரன் ஆகியோர் அடங்கிய அமர்வில் நடந்தது. அப்போது மனுதாரர் சார்பில் வழக்கறிஞர் எஸ்.சத்தியசந்திரன் ஆஜராகி வாதிட்டார். இந்த மனு குறித்து தமிழக அரசின் கருத்தை கேட்டு தெரிவிக்கும்படி சிறப்பு அரசு வழக்கறிஞர் ஜெயபிரகாஷ் நாராயணனுக்கு உத்தரவிட்ட நீதிபதிகள், இந்த வழக்கு விசாரணையை ஜூன் 15-ம் தேதிக்கு தள்ளிவைத்தனர்.

Tuesday, 24 May 2016

விவசாய கடன் தள்ளுபடி, டாஸ்மாக் நேரம் குறைப்பு: முதல்வர் ஜெயலலிதா முதல் கையெழுத்திட்ட 5 கோப்புகள்



500 டாஸ்மாக் சில்லறை மதுபானக் கடைகள் மூடல்;

மின் கட்டணச் சலுகைகள்

விவசாயக் கடன் தள்ளுபடி, டாஸ்மாக் நேரம் குறைப்பு, 500 சில்லறை மதுக்கடைகள் மூடல், மின் கட்டண சலுகைகள் உள்ளிட்ட உத்தரவுகள் அடங்கிய 5 கோப்புகளில் முதல்வர் ஜெயலலிதா கையெழுத்திட்டார்.
இது தொடர்பாக அரசு வெளியிட்ட செய்திக் குறிப்பு:
தமிழக முதல்வராக ஆறாவது முறையாக இன்று (23.5.2016) பதவியேற்றுக்கொண்ட ஜெயலலிதா, சென்னை புனித ஜார்ஜ் கோட்டையில் அமைந்துள்ள தலைமைச்செயலகத்தில் உள்ள முதலமைச்சர் அறைக்கு வருகை தந்து தமது பணியைத் தொடங்கினார்.
முதல்வர் ஜெயலலிதா தனது முதல் பணியாக அனைத்திந்திய அண்ணா திராவிட முன்னேற்றக் கழகத்தின் தேர்தல் அறிக்கையில் அறிவிக்கப்பட்ட வாக்குறுதிகளை நிறைவேற்றும் வகையில் முக்கியத் திட்டங்களுக்கு ஒப்புதல் அளித்து அதற்குரிய கோப்புகளில் கையெழுத்திட்டார்.

பயிர்க்கடன் தள்ளுபடி
1) வேளாண் பெருமக்களின் நலன் காக்கும் வகையில், கூட்டுறவு வங்கிகளுக்கு சிறு, குறு விவசாயிகள் செலுத்தவேண்டிய பயிர்க்கடன், நடுத்தர காலக்கடன் மற்றும் நீண்ட காலக்கடன் ஆகிய அனைத்தும் தள்ளுபடி செய்யப்படும் என்னும் வாக்குறுதியை நிறைவேற்றும் வகையில், கூட்டுறவு வங்கிகளிடமிருந்து 31.3.2016 வரை சிறு, குறு விவசாயிகளால் பெறப்பட்ட பயிர்க்கடன், நடுத்தரகாலக் கடன் மற்றும் நீண்டகாலக் கடன் ஆகிய அனைத்தையும் தள்ளுபடி செய்து உத்தரவிடும் கோப்பில் முதல்வர் ஜெயலலிதா கையொப்பமிட்டார். இதன் காரணமாக அரசுக்கு 5780 கோடி ரூபாய் செலவு ஏற்படும்.
மின் கட்டணச் சலுகை
2) மின்சாரம் அனைவருக்கும் மிகவும் அத்தியாவசியமான ஒன்று என்பதால் தற்போதைய கணக்கீட்டு முறைப்படி 100 யூனிட் மின்சாரம் கட்டணம் ஏதுமில்லாமல் வீடுகளுக்கு வழங்கப்படும் என்ற வாக்குறுதியை நிறைவேற்றும் வகையில், அதற்கான கோப்பில் முதல்வர் ஜெயலலிதா கையெழுத்திட்டார். இதன் காரணமாக அரசு ஆண்டு ஒன்றுக்கு கூடுதலாக 1607 கோடி ரூபாய் மின் வாரியத்திற்கு மானியமாக வழங்கும். இந்தச் சலுகை 23.5.2016 முதல் நடைமுறைப்படுத்தப்படும்.
திருமண உதவித் திட்டம்
3) 2011-ஆம் ஆண்டு தேர்தல் அறிக்கையில் கொடுத்த வாக்குறுதியின்படி, இளநிலைப் பட்டம் அல்லது டிப்ளமோ பட்டயம் பெற்ற பெண்களுக்கு திருமண உதவித் தொகையாக 50000 ரூபாயும் திருமாங்கல்யம் செய்ய 4 கிராம் தங்கமும் தற்போது வழங்கப்பட்டு வருகிறது. படித்த ஏழைப்பெண்களுக்கு திருமண நிதி உதவியாக 25000 ரூபாய் நிதி உதவியுடன் திருமாங்கல்யம் செய்ய 4 கிராம் தங்கம் வழங்கப்படுகிறது.
தற்போதைய தேர்தல் அறிக்கையில் கொடுக்கப்பட்ட வாக்குறுதியின்படி அனைத்து திருமண நிதி உதவி திட்டங்களின் கீழ் வழங்கப்படும் நிதி உதவியுடன் திருமாங்கல்யத்திற்கென வழங்கப்படும் தங்கம் 4 கிராம் என்பதிலிருந்து ஒரு சவரன் அதாவது 8 கிராம் என உயர்த்தி வழங்கும் கோப்பில் முதல்வர் ஜெயலலிதா கையொப்பமிட்டார்.
நெசவாளர்களுக்கு மின் கட்டண சலுகை
4) தேர்தல் அறிக்கையில் கொடுத்த வாக்குறுதியின்படி கைத்தறி நெசவாளர்களுக்கு தற்போது கட்டணமில்லாமல் வழங்கப்படும் மின்சாரத்தை 200 யூனிட்கள் எனவும், விசைத்தறிக்கு வழங்கப்படும் கட்டணமில்லா மின்சாரத்தை 750 யூனிட்டுகளாக உயர்த்தியும் வழங்கும் கோப்பில் முதல்வர் ஜெயலலிதா கையொப்பமிட்டார்.
500 டாஸ்மாக் கடைகள் மூடல்
5) மதுவிலக்கு படிப்படியாக அமல் படுத்தப்பட்டு பூரண மதுவிலக்கு என்ற நிலை எய்தப்படும் என்றும், அதனை நிறைவேற்றும் வகையில் முதலில் சில்லறை மதுபானக் கடைகள் திறந்திருக்கும் நேரம் குறைக்கப்படும் என்றும், கடைகளின் எண்ணிக்கை குறைக்கப்படும் என்றும், பின்னர் சில்லறை மதுபானக் கடைகளுடன் இணைந்த பார்கள் மூடப்படும் என்றும் குடிப்பழக்கத்திற்கு உள்ளாகி உள்ளோரை மீட்பதற்கான மீட்பு நிலையங்கள் ஏற்படுத்தப்படும் என்றும், இவை அனைத்தும் செயல்படுத்தப்பட்டு படிப்படியாக பூரண மதுவிலக்கு என்னும் இலட்சியம் அடையப்படும் என்றும் தேர்தல் அறிக்கையில் முதல்வர் ஜெயலலிதா தெரிவித்திருந்தார்.
அந்த வாக்குறுதியை நிறைவேற்றும் வகையில் டாஸ்மாக் சில்லறை விற்பனை மதுபானக் கடைகள் மற்றும் அவற்றுடன் இணைந்த பார்கள் இதுவரை காலை 10 மணி முதல் இரவு 10 மணி வரை இயங்கிவரும் நிலையில் 24.5.2016 முதல் சில்லறை விற்பனை மதுபானக் கடைகள் மற்றும் பார்கள் நண்பகல் 12 மணியிலிருந்து இரவு 10 மணி வரை இயங்கும் என்ற உத்தரவு, மற்றும் 500 டாஸ்மாக் சில்லறை மதுபானக் கடைகள் மூடப்படும் என்ற உத்தரவு, ஆகியவற்றுக்கான கோப்பில் முதல்வர் ஜெயலலிதா கையொப்பமிட்டார்.

Thursday, 19 May 2016

Tamil Nadu Election Results 2016

தொகுதிகள்-232/234 பெரும்பான்மைக்கு 118
அணிகள்
முன்னிலை / வெற்றி
அதிமுக கூட்டணி
131
திமுக கூட்டணி
100
தேமுதிக - ம.ந.கூ
00
பாமக
01
பாஜக கூட்டணி
00
நாம் தமிழர்
00
கட்சி
முன்னிலை / வெற்றி (16.25PM)
அதிமுக
131
திமுக
90
தேமுதிக
00
பாமக
01
காங்கிரஸ்
08
பாஜக
00
மதிமுக
00
விடுதலைச் சிறுத்தைகள்
00
இந்திய கம்யூ.
00
மார்க்சிஸ்ட் கம்யூ.
00
இந்திய யூனியன் முஸ்லிம் லீக்
01
புதிய தமிழகம்
01
நட்சத்திர வேட்பாளர்கள் நிலவரம்
தொகுதி
வேட்பாளர்
வாக்குகள்
நிலவரம்
டாக்டர். ராதாகிருஷ்ணன் நகர்
ஜெயலலிதா (அதிமுக)
75892
முன்னிலை
சிம்லா முத்துச்சோழன் (திமுக)
43752
பின்னடைவு
வசந்திதேவி (மநகூ)
3327
பின்னடைவு
திருவாரூர்
கருணாநிதி (திமுக)
120435
வெற்றி
பன்னீர்செல்வம் (அதிமுக)
52886
தோல்வி
உளுந்தூர்பேட்டை
விஜயகாந்த் (தேமுதிக)
26965
பின்னடைவு
வசந்தவேல் (திமுக)
57850
பின்னடைவு
குமரகுரு (அதிமுக)
63906
முன்னிலை
பென்னாகரம்
அன்புமணி ராமதாஸ் (பாமக)
41577
பின்னடைவு
இன்பசேகரன் (திமுக)
59357
முன்னிலை
முனுசாமி (அதிமுக)
38550
பின்னடைவு
கொளத்தூர்
மு.க.ஸ்டாலின் (திமுக)
90534
முன்னிலை
ஜெ.சி.டி.பிரபாகர் (அதிமுக)
53333
பின்னடைவு
காட்டுமன்னார்கோயில்
திருமாவளவன் (விசிக)
48363
பின்னடைவு
முருகுமாறன் (அதிமுக)
48450
முன்னிலை
விருகம்பாக்கம்
தமிழிசை (பாஜக)
12615
பின்னடைவு
வி.என்.ரவி (அதிமுக)
42827
முன்னிலை
கே.தனசேகரன் (திமுக)
41157
பின்னடைவு
கடலூர்
சீமான் (நாம் தமிழர்)
7787
பின்னடைவு
எம்.சி.சம்பத் (அதிமுக)
45554
முன்னிலை
புகழேந்தி.இ (திமுக)
31753
பின்னடைவு
திருச்செந்தூர்
சரத்குமார் (சமக)
62356
தோல்வி
அனிதா ராதாகிருஷ்ணன் (திமுக)
88357
வெற்றி
ஒட்டப்பிடாரம்
கிருஷ்ணசாமி (புதிய தமிழகம்)
55523
முன்னிலை
ஆர்.சுந்தர்ராஜ் (அதிமுக)
54084
பின்னடைவு